Urtetan bildu dira Benito Lertxundi, Pako Aristi eta Mikel Markez: hilero-hilero, bakoitzaren herrian txandaka, lasai bazkaldu eta bazkalondo luzean hitz-aspertu bat izateko, honetaz eta hartaz. Aristi eta Markez pribilegiatuak sentitu ziren, Benito intimo eta hurbil bat ezagutzeko aukera izan zutelako, oso jende gutxik bezala, eta pentsatu zuten solasaldi haietan oinarrituta liburu bat egitea.
Hainbat gai agertzen dira orriotan barrena: musika, noski, baina horrekin batera bizitza eta heriotza, Euskal Herriaren izatea eta munduaren zentzua edo zentzurik eza... Horien guztien bitartez deskubrituko dugu Lertxundi desberdin bat: hausnarketaren eta esperientziaren bitartez pentsamendu propio eta berezia landu duena, bizitzaren aurrean jarrera pertsonala hartzen eta koherentziaz jokatzen jakin duena.Kantari liluragarria dugu Benito Lertxundi, bere doinu magiko eta ahots sentsualari esker euskaldun jendeari gozarazi eta amets eragin diona hainbat belaunaldiz. Horrez gain, pentsalari original eta sakon bat aurkezten digute Aristik eta Markezek, nork bere estiloan: pasadizoz eta gogoetaz, Benitok iradokitakoei beren errotako alea erantsiz, sei eskutara idatzitako obra eder eta gogoangarri bat egiteko.
- MAHAI BATEN INGURUAN
- BIZI TAUPADAK: ULERTZEN LANAK!
- OI ZUBEROA!
- ESZENATOKIAREN MISTERIOA
- OBJEKTUEN DEIA
- SEMANTIKA APUR BAT
- ORRI BAT, MILA PRINTZA
- DISTIRA BAT URETAN
- ERREGRESIOAK
- MALENKONIA BATEN SUSTRAIAK
- BUENOS AIRESKO EURIA
- LAU HITZEN JOKOA
- GIZAKI MISTERIOTSU HORI
- TAROTA BATEAN…
- …HOROSKOPOA BESTEAN
- KANTUAREN JABEAK
- OI, GURE HERRIA…
- HERIOTZAREN HATSA ANTZEMAN EZINEZ
- MIROTZ LEINUA
- SEXUAREN OROITZAPENAK
- ITSASOA NAIZELA BADIOT…
- ORIOKO UNIBERTSOA
- ALFA EGOERAN
- –1–
- –2–
- –3-
- GALDERARIK GABEKO PARADISUAN
- BELDURRAK, SINESMENAK
- BAGDADEKO MORROIA
- LAXA
- ETERNITATEAZ
- BELODROMOKO TXISTUAK
- AMODIOA, ZORIONA
- PANPOXA
- BALOREAK, NATURAN EZ DAUDEN LOREAK
- JADANIK DESARGI DEN EGUNA AGURTUZ
Text
Adobe DRM
Login to your account