Knossos-eko ondarea” haur eta helduentzako abentura komiki bat da, Kreta eta Iruñean kokatua dagoena, bi lurraldeek uste duguna baino gehiago baitute amankomunean. Minotauroaren mitoak bi hiriak elkartzen ditu, zezena gurtzearen ohiturarengatik elkartuak. Gure protagonistak (Aritz pilotaria, eta Joxe eta Eder bere lagunak) Kretan daude, oporrak zoriuntsu igarotzeko asmoz, baina bizitza ez da beti hain erraza izaten. Berehala abenturan murgilduko dira Idoia Askunze lagun nafarraren desagerketa argitu nahian. Ikerketak Iruñako San Ferminetara eramango ditu, antzinako munstroz betetako Kretako haitzuloetara, Dedalo eta Ikaroren pausoak jarraituz airean egindako lasterketetara, eta duten itxura mozorrotzen duten pertsonaiengana. Abenturak itxurekin ez fidatzen irakatsiko die, eta baita ere batak besteari laguntzeak duen garrantzia ezagutzen.
Texto
Audio
Adobe DRM
Ingrese a su cuenta