Ez dakit oso ondo noiz izan zen, baina kontuak aterata hirurogeita hamaikan edo hamabian izan behar zuen. Bidaia luze bat egin ondoren, goizeko ordu txikietan ailegatu nintzen herrira, eta, ohiko nuen bezala, gure auzo zaharrean aurkitu nuen autoa uzteko lekua. Garai haietan eta auzo hartan ez zen zaila izaten.
Oinez etxerantz nindoala, jaiotetxe aurretik pasatu nintzenean, uste baino beranduago zela konturatu nintzen, eta uste baino nekatuago nengoela ere bai. Eguneko neke guztiak batera pilatu zitzaizkidan.
Ohea amets nuela, eta goizaldeko isiltasuna lagun, sinetsi ezinezko ikuskizuna gertatu zitzaidan bidean.
Galeper koxkortu bat ari zen errepidea gurutzatzen, atzetik dozena erdi bat galeper kume zituela. Ez zuten soinurik egiten, ez berezko "poxpolin, poxpolin" kanturik abesten, ezta beldurrezko txio txikienik ere ateratzen. Isiltasun osoan, errenkada hautsi gabe, marra zuzenean bidea gurutzatu eta bide alboko ate zahar baten barren urratutik sartu ziren paretaz harantzagoko baratze batera.
- Atestatua
- Juankruz
- Burdinazko zaldia
- Arbola
- Boa
- Metamorfosia
- Gomazko hartzak
- Harria
- Zarata
- Txakurra
- Armiarma
- Azeria
- Katua
- (in) Felis catus
- Aguaraguazua
- Uroiloak
- Behor gorria
- Errun ezin zuen oilanda
- Bazen behin asto bat izena zuena Kubala
- Dahua
- Txorien maisua
- Galeperrak
- Bizien gaubeilan
Text
Adobe DRM
Login to your account