Maiordomo perfektua da Stevens: itzal bat bezain isil eta diskretua, beti jaunaren esanetara, egoerarik larrienean ere lasai eta eraginkor. Jaun handien zerbitzari leial izatean datza bere handitasuna, eta hamarkada luzetan horretan jardun izanak ematen dizkio bere bizitzari zentzua eta harrotasuna. Aspaldi luzean ez bezala egun libre batzuk dituela-eta, lankide izandako Kenton andereñoari bisita egitea erabakiko du, eta bere bizitzari errepasoa egiteko baliatzen du bidaia. Duela ia ehun urteko handiki ingelesen mundua zehatz eta doi erretratatzearekin batera, bi mundu gerren arteko une historikoari argi berria ematen dio Ishigurok, eta izaera konplexu baten azpildurak dotorezia eta ñabardura harrigarriz erakutsi, lanbidezko mirabetzak norainoko gogo-morrontza eragin dezakeen frogatuz, sentimenduei hoztasunez eusteak zenbateraino ekar dezakeen nortasunaren irentzea. Booker sari prestigiotsua eta mundu osoan aho batezko onespena lortu zituen eleberri honek, film baten bidez are ezagunago bilakatu zen gero, eta egilearen Nobel sariak biribildu du haren ospea. Orain euskaraz dasta dezakegu, Amaia Apalauzak eta Iñigo Roque Eguzkitzak Zaitegi bekaren laguntzaz egindako itzulpen bikainari esker.
- Egunaren hondarrak
- Kazuo Ishiguro
- Izenburua
- Kreditoak
- Atarikoa: 1956ko uztaila
- Lehen eguna: Gaua
- Bigarren eguna: Goiza
- Bigarren eguna: Arratsaldea
- Hirugarren eguna: Goiza
- Hirugarren eguna: Gaua
- Laugarren eguna: Arratsaldea
- Seigarren eguna: Ilunabarra
- Aurkibidea
Texto
Adobe DRM
Ingrese a su cuenta